Gvangjsih Swhfan Dayoz (Sawgun: 广西师范大学; 拼音: Guǎngxī shīfàn dàxué)dwg cunghgoz gozliz dayoz, bi 1932 nienz hwnq, youq Gveiqlinz aen lizsij vwnzva caeuq sanhsuij lijyouz cungj gig mizmingz aen singzsi neix.
Aen hag seizneix miz Vangzsingz、Yuzcaiz caeuq Yenqsanh sam aen yauqgih,ciemq dieg miz 4100 lai moux.Vangzsingz yauqgih youq ndaw Cingqgyangh Vangzsingz cungqgyang Gveiqlinz si,dwg guekgya 4A gaep lijyouz gingjgih.Ndaw hag seizneix miz 27 aen ngeihgaep yozyen caeuq 28 aen yenzgiusoj, ciusou bonjgohswngh、sozswqswngh、bozswqyenzgiuswngh caeuq liuzyozswngh doengh gij yozswngh neix.
Seizneix miz cenzhizciq bonjgohswngh 16500 lai vunz,bozswqswngh 70 lai vunz,gag loih sozswqyenzgiuqswngh 5300 lai vunz,gag loih liuzyozswngh 1200 lai vunz,hamzsouq cinqsiuhswngh 10000 lai vunz.
Ndaw hag lij guhhong gyauqsiz yenzgungh miz 2180 lai vunz,conhyinq lauxsae 1340 lai vunz.